精品店征服世界及名牌小店Ladies加入LBuy，因此顧客們可以在LBuy購買到他們的產品。近日，LBuy主持人文珊為他們進行了一場深度訪問，並了解了他們的創業故事。

LBuy主持人文珊訪問了李老闆

征服世界李老闆開店23年，他總能進貨日本直送、最新的玩具精品。李老闆原本是在酒店工作，因為喜歡買賣所以才投身零售業。由於李老闆性格親民，所以很容易與街坊打成一片，他更形容與街坊的關係十足兄弟姊妹一樣：「佢哋嚟到我哋舖頭唔帶錢都有，我會話爭住先啦，過兩日先畀，我哋係熟到呢種程度！」

李老闆對日本文化情有獨鍾

李老闆平日亦很喜歡做慈善，曾試過贊助有需要的小朋友金額，讓他們在店內挑選心儀的產品。提到以前和現在消售模式轉型，李老闆亦笑言網上直播是一個大趨勢：「以前同而家真係好唔同，而家又要Facebook宣傳，最近又要搞網上直播，以前客人嘅意見可能都係佢嚟到先同你講，而家做咗直播之後，佢哋更加鍾意，因為可以介紹到商品畀佢哋聽，令到我哋嘅意見多咗好多，接觸嘅層面亦大咗好多。」

李老闆平日熱衷做直播

李老闆亦看準了LBuy的優勢，所以加盟LBuy，務求令生意愈做愈大：「LBuy嘅技術、網絡都好成熟，佢哋仲結合咗線上線下，係我哋一般舖頭冇。之後希望可以同LBuy恆常地做直播，而我哋嘅客人係嚟自唔同地區，希望LBuy可以舉行多啲展銷，因而接觸更多客人。」

李老闆加入LBuy後，希望可以與LBuy做更多直播

名牌小店Ladies座落旺角中心已經16年，問到店主Fanny和Yan為何會結識一起開店，Fanny就表示Yan原是她的顧客：「其實Yan係我一個熟客，佢有晚好似要去玩，所以就叫我快啲去襯套衫畀佢去街，之後就相識，慢慢就變得好投契。」

原來Yan（右）是Fanny（左）的熟客，熟絡之後她們決定一起開店

Fanny原本售賣韓裝，至於Yan就精通名牌，二人雙劍合璧，加上彼此欣賞，令到店舖發展愈來愈好。談到做生意的過程學到什麼？Yan說：「我覺得成長比成功更重要，信譽、客人對我嘅信任，呢啲有錢都買唔到！」而店舖對她們來說亦充滿感情，談到與客人之間的感情，Fanny都不禁感觸落淚：「我哋同好多顧客都做咗好朋友，一個好好嘅傾訴對象，經歷咗拍拖、生仔、讀小學、讀中學，睇住佢哋大。呢個角落有好多客人都笑過、喊過，真係好感動‥‥‥估唔到一間時裝店可以衍生到咁多嘢！」

Yan對於名牌相當熟悉

Fanny喜歡為客人襯衫

而談到與LBuy未來合作，Fanny和Yan希望可以跟LBuy一齊合作直播，待疫情過後，會親身飛到歐洲入貨，希望將更多產品帶給不同觀眾。最後，LBuy主持人文珊預告未來LBuy將會衝出香港，計劃於台灣、新加坡等地開設銷售點，希望海外的顧客可以盡情購物。

LBuy主持人文珊訪問了Ladies